Адкрыты дзіцячы мастацкі конкурс «Маляўнічы свет» адбыўся 22 снежня на базе Маладзечанскага дзяржаўнага музычнага каледжа імя М.К.Агінскага.
Error
У Маладзечна завіталі госці з розных куткоў Беларусі. Адгукнуліся прадстаўнікі з дзіцячых мастацкіх школ і школ мастацтваў з Мінскай, Брэсцкай, Гродзенскай, Магілеўскай і Віцебскай вобласцей.
Конкурс быў разлічаны на наступныя ўзроставыя катэгорыі: малодшая група ад 9 да 12 гадоў і старэйшая ад 13 да 16 гадоў уключна. Канкурсанты павінны былі прывезці хатнюю работу па тэме “Беларускі народны каляндар” і выканаць на месцы правядзення мерапрыемства конкурсную работу, тэма якой стала вядома непасрэдна перад пачаткам работы.
Прадстаўнікі малодшай групы адкрылі канверт з тэмай “Чараўніцтва зімы”, а старэйшай – “Святое Раство”.
Арганізатары пастараліся стварыць максімальна спрыяльныя ўмовы для выяўлення здольнасцей дзяцей. Творчая работа праходзіла ва ўтульнай, камфортнай атмасферы. Удзельнікі працавалі аддана і натхненна, стараліся паказаць найвышэйшыя вынікі.
Журы конкурсу ў складзе выкладчыкаў цыклавой камісіі дэкаратыўна-прыкладное мастацтва і прадстаўнікоў Беларускага дзяржаўнага ўніверсітэта культуры і мастацтваў, старэйшых выкладчыкаў Матвейчык Святланы Вільгельмаўны і Цітова Мікалая Пятровіча адзначыла работы канкурсантаў шматлікімі прызамі і пастаралася ахапіць як мага болей удзельнікаў.
Пераможцы былі ўзнагароджаны дыпломамі І, ІІ і ІІІ ступені, а таксама спецыяльнымі прызамі і падарункамі. Самыя высокія ўзнагароды – Гран-пры атрымалі:
Свядыш Соф’я, навучэнка Чэрвеньскай дзіцячай школы мастацтваў (малодшая група) і Фаміна Сафія, навучэнка дзіцячай мастацкай школы г.Віцебска (старэйшая група).
Атрымалі ўзнагароды найлепшыя хатнія работы па наступных намінацыях:
Арыгінальнасць кампазіцыйнага рашэння;
Майстэрства выканання;
Лепшае каляровае рашэнне;
Лепшае сюжэтнае рашэнне.
Усе ўдзельнікі конкурсу атрымалі сертыфікаты і памятныя падарункі.
Граматамі былі адзначаны настаўнікі, якія якасна падрыхтавалі пераможцаў конкурсу. Ад іх прагучалі цеплыя і шчырыя словы ўдзячнасці і пажаданне далейшых поспехаў арганізатарам конкурсу «Маляўнічы свет».
Будзем спадзявацца, што першы Адкрыты дзіцячы мастацкі конкурс «Маляўнічы свет» набудзе папулярнасць і будзе мець доўгае творчае жыцце.
Error
Error
Аўтар: выкладчык цыклавой камісіі “Дэкаратыўна-прыкладное мастацтва” Чэрвонцава Н.Л.
Фота: Маліноўская В.В., Валковіч-Борыс Л.Н., Сакалоўскі Дз.С.