Error
17 чэрвеня ў г.Беразіно прайшло VI рэгіянальнае свята-конкурс драўлянай лыжкі “Бярэзінскія лыжкары”. З нашай установы ў мерапрыемстве прынялі ўдзел навучэнцы 2 курса цыклавой камісіі “Дэкаратыўна-прыкладное мастацтва” пад кіраўніцтвам выкладчыка Гамолка Андрэя Пятровіча.
Конкурс праводзіцца з мэтай адраджэння нацыянальнай культурнай спадчыны, падтрымкі сучасных майстроў разьбы па дрэве і папулярызацыі майстэрства вырабу лыжак з дрэва.
Журы ацэньвала якасць і прыёмы выканання драўлянай лыжкі, выкарыстанне традыцыйных элементаў разьбы, творчасць і манеру аўтара.
Добра паказалі сябе на гэтым конкурсе нашы навучэнцы.
Удзельнікі былі ўзнагароджаны дыпломам за асабісты ўклад у развіццё мастацкіх традыцый разьбы па дрэве і лепшую калекцыю хатніх работ. А навучэнка Алена Лібер атрымала дыплом за арганічнае спалучэнне формы і дэкору драўлянай лыжкі.
Віншуем!
Аўтар: Л.М.Валковіч-Борыс, старшыня цыклавой камісіі ДПМ
